kal shaam baramadeh ki seedhiyo par baithi ..ek khawab bun rahi thhi ,
pataa thha thagey bahut khoobsurat ..magar nazuk hain,
miley tab kafi uljhe huey thhey ,
bahut jatan se aahista aahista suljhaya thha ,
bunte bunte khawab har ek do salayi baad usse naap ...badhte dekh kar khush ho rahi thhi ,
fisal na jaye haath se thaagey so ..unhain ungliyo mein lapait kar pahkad rakha thha ,
mera khawab aakar lene laga thha ki ...........aasmani rang ka thhaga khatam ho gaya .......
rang to wahi chahiye ....... aasmani !
Aaj fir baithi hoon baramdeh ki sedhiyo par ..adhura khawab liye ...
fairiwala kabhi to awaaz lagayega ......aasmani rang ka thhaga liye ...........
chalo achchha hai aisi kuchh shaamen .. aap ke daman mein hai .. unhen samet kar rakhiyega .. jeene ke kaam aayengi..jeena sikhayengi ..
ReplyDelete